ئالما شىركىتى 3-ئاينىڭ 4-كۈنى ئەتىيازلىق يېڭى مەھسۇلات ئېلان قىلىش يىغىنى ئاچىدۇ

ئالما شىركىتىنىڭ 2026-يىللىق ئەتىيازلىق يېڭى مەھسۇلاتلىرىنى ئېلان قىلىش يىغىنىنىڭ ۋاقتى بېيجىڭ ۋاقتى 3-ئاينىڭ 4-كۈنى سائەت 22 دە ئېچىش رەسمىي بېكىتىلدى، كۇك بۇنىڭدىن ئىلگىرى ھۆججەت تارقىتىپ، بۇ مەيدان «قاينام-تاشقىنلىققا چۆمگەن بىر ھەپتە»نى قىزىتقانىدى، بۇ قېتىمقى ئاخبارات ئېلان قىلىش يىغىنىدا تۇنجى قېتىم شاڭخەي ئاساسىي مەيدان قىلىنىپ، نيۇيورك، لوندوندا تور سىرتىدا ھېس قىلىش ماس قەدەمدە باشلىنىدۇ، توردا پۈتۈن مۇساپىلىك جۇڭگو تىل-يېزىقىدا تەڭ قەدەملىك بىۋاسىتە كۆرسىتىلىدۇ. ئاخبارات ئېلان قىلىش يىغىنىدا AI ئومۇمىي مەنپەئەتدارلىق ۋە خەلققە يېقىن باھا بېكىتىش ئاساس قىلىنغان بولۇپ، iPhone 17 e، تۆۋەن باھالىق MacBook، iPad 12، iPad Air 8 قاتارلىق تۆت خىل يادرولۇق يېڭى مەھسۇلات بازارغا سېلىنىدۇ، ئالما شىركىتىنىڭ ئوتتۇرا دەرىجىلىك بازارغا يۈزلەندۈرۈش ئورۇنلاشتۇرۇشى ئومۇميۈزلۈك قانات يايدۇرۇلىدۇ.

iPhone دەسلەپكى قەدەمدىكى ئاساسلىق تىپ بولۇش سۈپىتى بىلەن، بۇ قېتىمقى ئاخبارات ئېلان قىلىش يىغىنىدىكى يادرولۇق نۇقتىلارنىڭ بىرى بولۇپ، بۇ يانفۇننىڭ يادروسىنىڭ دەرىجىسى A 19 ئۆزىكىگە ئۆستۈرۈلگەن، شۇنداقلا بىردىنبىر قاتتىق دېتال يېڭىلاش نۇقتىسى ھېسابلىنىدۇ. شۇنىڭ بىلەن بىللە، ئالما شىركىتى ئۆزى تەتقىق قىلىپ ياسىغان C 1 X ئاساسىي بەلبېغى ئورنىتىلغان بولۇپ، 5 G سىگنالىنىڭ ئىپادىسىنى زور دەرىجىدە ياخشىلىغان. بۇ مەھسۇلاتقا 6.1 دىيۇملۇق 60 Hz جىڭدۇڭفاڭ OLED ئېكرانى ئىشلىتىلگەن بولۇپ، سىرتقى كۆرۈنۈش قېلىپى ئالدىنقى ئەۋلاد بىلەن بىردەكلىكنى ساقلىغان، MagSafe ماگنىتلىق سۈمۈرۈش توك قاچىلاش ئىقتىدارى يېڭىدىن كۆپەيتىلگەن، زاۋۇتتىن چىققاندا iOS 19 سىستېمىسى ئورنىتىلغان ھەمدە بەش يىل سىستېمىنىڭ يېڭىلىنىشىنى قوللايدۇ. باھا جەھەتتە دۆلەت ئىچى نۇسخىسىغا ھۆكۈمەت تەرەپنىڭ مۆلچەرلىشىچە، 4499 يۈەندىن باشلىنىدىكەن، ياردەم تولۇقلىمىسى تارقىتىلغاندىن كېيىنكى سېتىلىش باھاسى 3999 يۈەنگە چۈشىدىكەن.ئالما شىركىتىنىڭ دەسلەپكى iOS ئۈسكۈنىلىرىنىڭ يۇقىرى ئۈنۈملۈك تاللىشى بولۇپ قالدى.

تۆۋەن باھالىق MacBook ئالما تارىخىدىكى ئەڭ خەلقچىل خاتىرە كومپيۇتېر مەھسۇلاتى بولۇپ، چەت ئەلدىكى باشلىنىش باھاسى 599-799 ئامېرىكا دوللىرى، دۆلەت ئىچى نۇسخىسىنىڭ باھاسى مۆلچەرلىشىچە 4000 يۈەنلىك دەرىجىگە كىرگەن. بۇ ئۈسكۈنىدىكى  ئەڭ چوڭ بۆسۈش شۇكى، تۇنجى قېتىم Mac مەھسۇلات لىنىيەسىگە iPhone بىلەن ئوخشاش پاسوندىكى A يۈرۈشلۈك ئۆزەك ئورنىتىلغان، iPhone 16 Pro بىلەن ئوخشاش پاسوندىكى A 18 Pro (2-ئەۋلاد 3 nm تېخنولوگىيەسى) قوللىنىلغان، ئالتە يادرولۇق CPU+ئالتە يادرولۇق GPU غا 16 يادرولۇق نېرۋا موتور ماسلاشتۇرۇلغان، ئىقتىدارى M 1 دىن سەل يۇقىرى، يەككە يادروسى M 4 سەۋىيەسىگە يېقىنلىشىدۇ. قاتتىق دېتالىغا 12.9 دىيۇملۇق ماڭلاي يوق LCD ئېكران سەپلەنگەن، ئاليۇمىن قېتىشمىلىق گەۋدىسىگە گىرافىت بىلەن ئوراش ھۈنەر-سەنئىتى قوللىنىلىپ ئىسسىقلىق تارقىتىش دەرىجىسى ئۆستۈرۈلگەن، يەنە كۆپ خىل رەڭلەر ماسلاشتۇرۇلىدۇ، سىناقتىكى سۇس سېرىق، سۇس يېشىل قاتارلىق ئالتە خىل رەڭ ئىچىدە ئاز دېگەندە تۆت خىلى ساقلاپ قېلىنىپ، كىلاسسىك iBook G 3 يۈرۈشلۈكىگە ھۆرمەت بىلدۈرۈلدى.

مۆلچەرلىنىشىچە، iPad 12 گە رەسمىي «11 دىيۇملۇق iPad (A 19)»دەپ نام بېرىلگەن بولۇپ، دەسلەپكى تاختا كومپيۇتېرنىڭ ئادەتتىكى دەرىجىسى ئۆستۈرۈلگەن نۇسخىسى ئىكەن، سىرتقى كۆرۈنۈشى iPad 11 بىلەن ئاساسەن بىردەك بولۇپ، يادرولۇق ساقلاش سىغىمى 6 GB دىن 8 GB غا ئۆستۈرۈلگەن، Apple Intelligence نىڭ ئاساسىي ئەقلىي ئىدراك تېخنىكىسى ئىقتىدارىغا ماس كېلىدىغان بولۇپ، ئىقتىدارى كۈندىلىك ئىشلىتىش ئېھتىياجىنى قاندۇرالايدىكەن. باشقا ئۆلچەمدىكىلىرى 11 دىيۇملۇق 1640X  2360 ئېنىقلىقتىكى LCD تاختا، ئالدى-كەينى 12 MP لىق كامېرا بولۇپ، دۆلەت ئىچىدە سېتىلىش باھاسىنىڭ 2999 يۈەن بولۇشىنى ساقلاپ، «مىقدارىنى ئاشۇرسا باھا قوشماسلىق»نى ئىشقا ئاشۇرغان.

iPad Air 8 ئوتتۇرا دەرىجىلىك تاختا كومپيۇتېردىكى تايانچ كۈچ بولۇش سۈپىتى بىلەن، يادرولۇق ئىقتىدار دەرىجىسىنىڭ ئۆستۈرۈلۈشىنى كۈتۈۋالدى، Pro دەرىجىلىك M 4 ئۆزەك (3 nm تېخنولوگىيەسى) سەپلەنگەن بولۇپ، ئىقتىدارى ئالدىنقى ئەۋلادتىكىدىن% 30 كۆپرەك ئۆستۈرۈلگەن، يېنىك ئىشخانا، رەسىم سىزىش، 4 K سىن قىيىش قاتارلىق ئېھتىياجلارغا بىمالال ماسلىشالايدۇ. بۇ مەھسۇلات 11/13 دىيۇملۇق LCD ئېكران بىلەن تەمىنلەيدۇ، تۇنجى قېتىم WiFi 7 ۋە كۆك چىش6.0 نى قوللايدۇ، USB-C ئۇلاش ئېغىزىنىڭ يەتكۈزۈش سۈرئىتى ئۆستۈرۈلگەن، Apple Pencil Pro ۋە ئەپچىل كونترول كۇنۇپكا تاختىسىغا ماس كېلىدۇ، زاۋۇتتىن چىققاندا iPados 19 سىستېمىسى سەپلەنگەن. بۇ ئاپپاراتنىڭ دۆلەت ئىچىدىكى باھاسى 4599 يۈەندىن باشلىنىدۇ، ئىقتىدارى بىلەن باھاسى ئارىسىدا تەڭپۇڭلاشتۇرۇش ئىشقا ئاشۇرۇلغان بولۇپ، ئوتتۇرا دەرىجىلىك تاختا كومپيۇتېر ئىشلەپچىقىرىش كۈچلىرىنىڭ ئالدىن تاللىشىغا ئايلانغان.

بۇ قېتىمقى ئاخبارات ئېلان قىلىش يىغىنى ئالما شىركىتىنىڭ 2026-يىلىدىكى تۇنجى مەيدان مۇھىم قاتتىق دېتالنى ئېلان قىلىشى بولۇپ، كۆپ خىل يېڭى مەھسۇلاتلارنىڭ كىرىش بوسۇغىسى تۆۋەنلىتىلدى، شۇنىڭ بىلەن بىللە بايراقدار ئۆزەك، ئەقلىي ئىدراك تېخنىكىسى ئىقتىدارى ئوتتۇرا باسقۇچقا چۈشۈرۈلۈپ، ھەم ئالما ئېكولوگىيەسىنىڭ قول سېلىش تەننەرخى يەنىمۇ تۆۋەنلىتىلدى، ھەم ئاندىروئىد، Windows لاگېرى بىلەن تېخىمۇ بىۋاسىتە ئوتتۇرا باسقۇچلۇق بازار رىقابىتى قانات يايدۇرۇلىدۇ. ئىگىلىنىشىچە، ئاخبارات ئېلان قىلىش يىغىنىدىن كېيىن يېڭى مەھسۇلاتلار تېز سۈرئەتتە ئالدىن سېتىلىشقا باشلايدىكەن، ئالما شىركىتىنىڭ كونا نۇسخىدىكى يانفون تىپلىرىنىڭمۇ باھاسى چۈشۈش دولقۇنىنى كۈتۈۋېلىشىدىن ئۈمىد بار ئىكەن.

مۇھەررىرنىڭ باھاسى:ئالما شىركىتىنىڭ بۇ قېتىمقى ئەتىيازلىق يېڭى مەھسۇلاتلارنى ئېلان قىلىش يىغىنىدا خەلققە يېقىن بولۇش ۋە AI ئومۇمىي مەنپەئەتدارلىقى چىڭ كۆزلىنىپ، كۆپ خىل يېڭى مەھسۇلاتلارغا بايراقدار دەرىجىلىك ئۆزەك چۈشۈرۈلۈپ، يادرولۇق سەپلىمىلەرنىڭ دەرىجىسى ئۆستۈرۈلدى، يەنە Mac، iPhone نىڭ ئېكولوگىيەدىن كىرىش بوسۇغىسى زور دەرىجىدە تۆۋەنلىتىلدى، iPad يۈرۈشلۈكىنىڭ دەرىجىسىنى ئۆستۈرۈشتە مىقدارىنى ئاشۇرۇش، باھاسىنى ئۆستۈرمەسلىك تەلەپ قىلىندى، ئوتتۇرا دەرىجىلىك بازارلارغا يۈزلەندۈرۈش، ئېكولوگىيە بىلەن قاپلىنىشنى كېڭەيتىش ئورۇنلاشتۇرمىسى ئىنتايىن ئېنىق بولدى.