Win10 نىڭ يىراقتىن كونترول قىلىش ئىقتىدارىنى ئېچىش

بەزىدە ئىچكى تور (يەنى دائىرىلىك تور) دا ئىشخانىلار ئارا كومپيۇتېرنى يىراقتىن كونترول قىلىشقا ئىھتىياجىمىز چۈشۈپ قالدۇ. نۆۋەتتە يېڭى مەشغۇلات سىستېمىسى win10 نىڭ ئومۇملىشىشى تېز بولىۋاتقان بۇ مەزگىللەردە بۇ سىستېما ئارقىلىق يىراقتىن كونترول قىلىش ئىقتىدارىنى ئېچىشنى بىلمەي بىزگە سۆز قالدۇرغانلارمۇ ھېلىھەم چىقتى. شۇ مۇناسىۋەت بىلەن، ھازىر بۇ يېڭى سىستېمىدىكى مەشغۇلات قائىدىسىنى تۇنۇشتۇرىمىز.

كومپيۇتېرىم سىنبەلگىسى ئۈستىدە مائۇس ئوڭ كۇنۇپكىسىنى چېكىپ، ئۇنىڭدىن چىققان تىزىملىكتىن خاسلىق (属性) تۈرىنى تاللايمىز.

يىراقتىن كونترول قىلىشنى بىكىتىش (远程设置) نى چېكىمىز.

تۆۋەندىكى قىزىل دائىرىدە تاللانغان تەڭشەك بويىچە تاللاپ بىكىتىمىز. بۇ تەڭشەك دەل كومپيۇتېرنى يىراقتىن كونترول قىلىشقا رۇخسەت قىلىش كىلىشىمى ھېسابلىنىدۇ.

يۇقارقى كۆزنەكتىكى ئىشلەتكۈچى تاللاش (选择用户) نى چەكسەك تۆۋەندىكىدەك كۆزنەك ئېچىلىدۇ. بۇ كۆزنەك ئارقىلىق مۇشۇ كومپيۇتېرنى يىراقتىن كونترول قىلىشقا رۇخسەت قىلىدىغان ئىشلەتكۈچىنى تاللايمىز.

ئەمدى باشقا كومپيۇتېرنىڭ باشلاش تىزىملىكى ئىچىدىكى يىراقتىن ئۇلىنىدىغان ئۈستەل يۈزى (远程桌面连接) نى ئېچىپ، مەزكۇر كومپيۇتېرنىڭ IP ئادرىسىنى كىرگۈزۈش ئارقىلىق ئۇلاشقا بولىدۇ.

دىققەت:
يۇقىرىدا سىز قوشقان ئىشلەتكۈچىگە مەخپى نومۇر بىكىتىشىڭىز كېرەك. ئۇنداق بولمىغاندا يىراقتىن ئۇلىنىشقا كىرىشكە بولمايدۇ.

مەسئۇل تەھىر: